| 今晚睇同事三分親，黃家嵐話她必須要重臨舊地，才能知道自己是否已經放下(陸堅).....這亦令關詠荷「名正言順」離開這套劇。
重臨舊地，原來有d野我真的仍然未放下...... |
| |
| 年初三7B開年飯，約埋Eileen一齊飲茶。今次都有差唔多半班人出席，糖紙應記一功。飲完茶，其中9個人上左+0屋企玩，4個打牌，4個鋤d(另外紫盈早走)，而我參與d王大戰，戰果係....盲拳打死老師傅，大贏家係平時唔鋤d的糖神....爆大冷！之後人少左，走返去打牌，運氣沒有好轉，結果繼續從高位回落，再輸一仗。不過真係估唔到收到四張免費初四賀歲波波飛，真係要多謝+0家姐。夜晚同屋企人去左九龍城廣場唱k，好耐無去九龍城廣場，發覺變左好多，唯一無變係人流仍然咁少....原來今次係媽媽第一次去香港k房。過了特別的一夜。
年初四，傳奇賀歲睇波團。原來初三收到的免費飛係最貴的$380，不過由於我地一行五人，所以我地都要夾一張飛。之前睇左四屆初四，港聯都係踢季軍戰兼輸波，今年自02年再入決賽，大家當然落力為港聯打氣，結果港聯不負所望，自93年後再次奪冠，港聯萬歲！
四日假期過得真怏，又要返工，如果唔想返工，唯一可以做就係自己請日annual leave lor，我就請左，大家請左未呢? |
| |
| 好凍好凍>.<，凍到乜都唔想做...沒有回暖的現象，仲有幾耐先凍完，好想踢波呀!!
本來諗住2008想做返d野，不過天氣一凍，朝早連身都唔想起，其他野更加唔駛諗.....期望天氣回暖的日子!
呢個農曆年過得好充實，日日都有街去。
年廿九同糖神放工行維園年宵，人比我想像中少，行得好舒服。見到立法會議員同埋明星(都唔知算唔算明星，由大家自行判斷:他們是新人Oscar及Sun Boy'z的Steven)，不過最吸食我們的卻是賣刀的那位仁兄，他sell到d人好似信邪教咁爭住俾錢，連我自己都差d中招。不過由於之前睇左佢之前一場的演出，故能及早抽身離開，但也要再讚他一次:勁!
年三十晚打左新年第一次牌(仲收左新年第一封利是^.^，多謝余媽媽)，力保開出紅盤，以贏$2收市。打完仲行左摩士年宵，於已經係凌晨四點幾，加上天氣(下毛毛雨)和地點(不是維園)關係，那時候大部分攤檔都已經收拾中，遊人只得小貓三幾隻。糖神此行亦有收穫，用一個唔知吉利唔吉利的$48買了桃花一棵。
年初一拜年例牌活動:一年一度賭大檔，今年由於有親戚帶了Wii來，部分小孩被吸了過去打機，參與聚賭的人數小了點，不過氣氛沒有減弱，而且因為差不多人人都已投身社會，大戶比往年多，回想當年食一個大戶夠賠全部到現在只有一兩門注碼比較少，試莊亦由往年$1到加價到現在的$3-5，可見各人已經長大了。本人這晚經歷大起大落，由贏$50到輸$90，直至最後最高位收市。繼初一凌晨後再次開出紅盤，回家途中仲請哥哥食格仔餅(我都食左人生第一次格仔餅，不過幾滯)，過了開心的一夜。
年初二由於天寒地凍，由往年的大食會變成打邊爐。我們一如過往遲些少到達，之後再進行竹戰，好一句「你好命」，最後一家贏三家，可惜贏家不是我，鼠年首次失利。
待續
賣刀賣到佢地咁，真係要寫個「服」字！ |
| |
| 仲有半個鐘就到2008年，在此同2007年說再見...... |
| |
| 今天去poly拿畢業証書，代表我正式離開poly，我再沒有需要回去了。
回顧上個月，除了影畢業相，就是影畢業相。整個十一月沒有踢足球，工餘時候一個活動也沒有，畢業的日子，竟然一點興奮的心情也沒有，只覺得很空虛，一下子自己適應唔到那麼大的轉變。
我明白有些東西本來並不屬於我，在我面前的只是幻象，好像一個夢(名符其實是一個「童夢」)，現在原來已是夢醒的時候，但當我每次想起那切切實實的「夢話」，和現實有點不符，我的心不其然......現在我再找不到你那往日的笑容，而我那酒渦也因而消失了，回看當天的照片，我看到你那發自內心的笑容，現在去了那......
在沒有十足的準備捱過了冰河時期，現在是融雪的時候，但進度好像慢了一點，每天日出，我都想陽光能夠幫一把......
期待冬去春來的日子......
再見你那發自內心的笑容...... |
| |
